Dialettali 27 gennaio 2012 · lettura 1 min · 1035 letture

M + Segui

E poi vabbuò voglie sta accussì pà solitudine e me sentì sulo dint’ a stu paese ca nun me sape; luntano luntano ma luntano po’ a che cosa? Forse luntano ‘a chello che ero ca songhe, caggia essere ancora luntano da ll’urdima solitudine chella ca mo sento! Io songhe ‘o poeta do silenzio de ccose m’piacciate ma nun tenghe paura e ll’affruntà. Songhe n’orfano ‘e vita na faccia mm’iezze a tanta facce mane mm’iezze a tanta mane c’arrevotano se sbatteno abboffano ‘e mazzate t’accarezzano s’addifenneno bevono se ne fotteno! Chesta sera ‘e giugno s’arreversa n’cuollo comme nu lenzulo! Nun saccio quanta vote m’aggia sentuto accussì! Accussì comme? Accussì astritto accussì Annuro accussì acciso accussì falluto! Vabbuò m’adda passà! Stu viento n'zuriuso me scippa 'a faccia, mo ca me so spartuto ca vita 'o riesto c'haggia avè è sulo na vrancat 'e spiccie!

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Marco Verrillo