Dialettali 17 giugno 2012 · lettura 1 min · 839 letture

F + Segui

Vorria pemmu ti viju ancora n’atru pocu oji com’ajeri sentu lu cori meu chi ciangi, m’abbruscia, massa tristi e scunsulatu lu penzeru quandu di tia si tingi. Chiantai rosi di li cchiù belli e profumati ntra lu menzu di stu giardinu a hiancu ca vogghju mu li viju quandu su hjuruti e hiavurandu lu profumu non mi stancu. Passanu li jorna e pigghiandu lu coraggiu no’ si capisciu mai pecchi la vita è nu misteru; pensandu ca si chiama sempi li cchiu meggiu; irgiu l’occhi e viju ‘na stella ’ntra celu. ‘Na notti, mi ricordu, ca mi venisti ’n sonnu cuntenta comu sempi, e comu nu ritornellu arridendu m’abbertisti nommu staiu û ciangiu, mû siminamu beni ca ’u paradisu è bellu.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Francesco Viola