Dialettali 24 giugno 2012 · lettura 1 min · 828 letture

F + Segui

La strata è longa e di ’nchianata e mû si vaci avanti chi suduri!, pari ca non si arriva mai a na ripata mû ti cunsula nu pocu di sapuri. La fatica si senti e non si cunta quando a la casa cadi ntra lu lettu, mû ti rivigghi poi a matinata prontu mû fai chiju chi ancora no’ fu fattu. Si cumbatti la jornata a denti stritti partendu a matinata e a l’addijuni e a nenti servi poi mû ti la pigghi pecchì tantu a mû ti duni ‘na raggiuni. Nu jornu si filici e parti cchiù cuntentu, sapendu già ca òji è tuttu di parata pigghiati la vita, accarizzanci lu ventu pecchì lu jornu dopu comincia la ‘nchianata.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Francesco Viola