'a primma vota

ero ancora giuvinotto ‘a primma vota che ‘a vedette. pelle bianca comme ‘a neve corpo snello e affusolato. io facevo ‘o paro e ‘o sparo e pensavo ‘e ce pruva’. chi primma ‘e me c’era passato me diceva:- lascia sta’, tu si ancora nu’ gualione. chella e’ furba e t’arravoglia e non te puo’ cchiu’ libera’ ma io vulette pruva’ ‘o stesso: era forte ‘o desiderio. facette anema e curaggio e na’ sera dinto ‘o scuro stevo sulo ‘nzieme a essa, me guardaie tuorno tuorno comme fosse nu’ mariuolo, senza di’ una parola e tremmanno tutto quanto ‘a pigliaie cu’ na’ mano e l’accustaie ‘a vocca mia. m’aspettavo nu’ rifiuto, essa invece se ‘nfucaie e non me lassava cchiu’. rimaniette ‘mbambulato m‘a guardavo e suspiravo. me sentevo n’ommo overo. essa lla’ senza di’ niente se faceva piccerella e si pure non parlava me ‘nvugliava a continua’ e accussi’ jettemo annanze tra suspire e fuoco ardente. nuie credevemo ‘e sta’ sule, che nisciuno ‘nce vedeva quanno invece all’intrasatta ‘nce vedette nu’ signore che passava ‘a chella parte. me faciette russo russo e cercaie d’annasconnerla: non vulevo che ‘a vedesse mentre ‘ncapo a me pensavo: - o madonna che figura! chillo invece abbuzzanno nu’ surriso s’accustaie ‘a parta mia che ero tutto ‘mbambaruto e dicette: - ma che d’e’? e’ ‘a primmavota? te se legge ‘ncoppa ‘a faccia. mo pero’ le ‘a feni’, te cunsiglio d’a lassa’ - - e pecche’?... e’ accussi’ bello! - sarra’ bello- rispunnette- ... ma forse non te si accorto: e’ rimasto sulo ‘o filtro. e’ fenuta ‘a sigaretta!