Dialettali 25 luglio 2016 · lettura 2 min · 537 letture

l + Segui

e’ na’ bella sera ‘e luglio e io sto' cca’ annanze a nu’ foglio pecche’ m’e’ venuta ‘a voglia ‘e vule’ scrivere dduie verse e penso ‘e ccose cchiu’ diverse che me ponno da’ nu’ spunto pe’ tratta’ qualche argomento con passione e sentimento. penso a n’alba assaie assulata doppo ‘o scuro d’a nuttata. non ce sto’ a pensa’ ddoie vote, afferro il senso e scrivo: mi illumino d’immenso ... si pero’... mo’ che ce penso qualcun’ato gia’ l’ha scritto e percio’ m’aggio ‘a sta’ zitto! peccato! aggio perzo l’occasione pe’ descrivere n’emozione. e allora penso a na’ notte addo’ siente in lontananza na’ museca doce che chiano chiano avanza... ecco qua l’ispirazione. e’ arrivata all'intrasatto. piglio e scrivo: nu’ pianefforte e notte sona luntanamente e ‘a museca se sente ...ma che vvuo’ senti’? pure chesta l’hanno scritta! l’hanno fatto pe’ dispietto, pe’ non darme l’occasione di sfogar la mia passione. saie che faccio? cagno argomento: penso ‘e stelle e ‘o firmamento e scrivo: o graziosa luna io mi rammento ... e no. aspetta nu’ mumento, pure cca’ stongo in ritardo: c’ha pensato gia’ leopardi. songo proprio scalugnato! a ogni idea che m’e’ venuta gia’ ce sta’ chi c’ha pensato. ho capito chesta sera non e’ cosa. piglio ‘o foglio, l’arravoglio e ‘o jetto dinto ‘o cestino. sara’ meglio che me cocco, se ne parla domattina. ...ma speriamo che stanotte dorme pure leopardi. chillo sta sempe scetato! pensa a silvia, pensa ‘e stelle, pensa ‘a luna, pensa al colle e scrive tante cose belle. e arreposete nu’ poco! facce scrivere pure a nuie! che tu sempre sia lodato, ma tu nascenne c’e ‘nguaiato. pecche’ doppo che ‘e scritto tu che putimme scrivere cchiu’? io dimane si stongo ‘e genio, piglio n’ata vota ‘o foglio. ma saccio gia’ che e’ tiempo perzo pecche’ si alll’idea che vene a me’ c’e’ pensato pure tu aggio ‘a fa’ na’ cosa sola: straccio ‘o foglio, jetto ‘a penna e non aggio ‘a scrivere cchiu’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

luigi abbro