Dialettali 22 marzo 2014 · lettura 1 min · 960 letture

+ Segui

Stevo quase perdenno ogni speranza quanno è accumparuto ‘o sole antrasatta. Primma ‘e s’affaccià pallido dint’a stanza, quase scurnuse, stuorte, quatto quatto, ha mannato ‘nu raggio comme ‘a dicere, ‘o vvì ca so’ turnato, nun fà ‘o sprucido. “Basta ca j’ m’assento ‘nu mumento e tu te faje venì ‘sta pucundria. Nun è overo, nun me dicere ch’è niente sento ‘o core tuoje ca murmureia. So’ stato areto ‘o mare ‘e chistu munno, io so’ na stella vera, nun vaco ‘a funno.” Ma appena ditto ‘sti parole ‘e ffuoco, ‘na nuvola ca secutava ‘a n’ata, m’annascunette ‘o sole e a poco a poco nu friddo niro me ‘ntussecaje ‘a jurnata. Sarrai pure ‘na stella, sarrai ‘nu sole, ma quanno vene vierno me chiagne ‘o core!

♥ 0 💬 1

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Aldo Villa