Dialettali 17 agosto 2007 · lettura 1 min · 1091 letture

+ Segui

Settiu in su Redentore, chin s'abba chi ghettata dae su chelu, in d'un arbore appo bidu, ridende beffulanu un anghelu. Dae supra 'e su Monte, appo bidu sa zittade, e tottu sar biddas chi arriban finzasa a mare. Chin sa gana de bolare issupra 'e sa Sardigna, in sa mente mia bid'appo, sos cherbos e sar mugras, e pastores e massaias. O zentes sardas, non lassezzas sa Sardigna, depies abbarrare inoche pro gherrare, gherrare cuntra a sa zente indigna, chi a s'isula nostra la cherete guastare. Settiu in su Redentore, non prus macchinas appo bidu, ma carros chin sor boes, arziande in processione, a sa festa 'e su Redentore, a sa festa 'e sa Popolazione.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Graziano Siotto