Diegu

In sos ammentos de sa pizzinnia, jocande in su gutturu cara cara a dommo, l’appo in mente comente chi sia commo, cada manzanu a ora e mesudie cust’omine falande lestru lestru, chene carzares chin sa zubba ghettada a framucoddu. Fachendeli beffas sos pizzinnos lu brullabana ei sar mamas muttinde ca vi colande Diegu, in su jannile li porriana recattu pedindeli de mortos e de cojubios, issu battiata sar nobas dae cada punta e loccu che bandidore in pratta e marcau. Pedulianu zentile, sa zente lu colliata, che fizzu liberu iscappu e custu mundu, fiti semper amorosu a chie l’ustrinaba de coro, e granchenosu si fit a perdonare, ti bocabat’a mortu chin lastima sinzera, ghettandeti battiles de cada manera.