Santu predu

Santu Predu postu in artura mira s’Orthobene dae manzanu, dae su contone tuccande a Montelongu colande in gutturos de anticas zenias. Omines de gabbale a coro firmu, dae santa ruche a sa sulidae, inghiriande in pratta e su rosariu, sas radichinas ana ghettau pro Nugoro. Collini s’istranzu in amistade bocandeli su coro in sa saffatta, non bajulan s’ocrada a traittoria mantenende sa granchena tottu bida. In sos sartos de Nugoro sun sas prus galanas culumbas dizzosas che pintura antica, a conca rizza parene rejnas in su portante sa bellesa che istella de oriente. Inghiriu a s’impredau e su cuzone sun creschios pizzinnos balentes, firmos e corazzudos mustran sa bida chin d’un’istrinta e manu forte e sana.