P’essere felice

Fallo pe’ stù core nun m’’o da’ chistu dulore, rieste pe’ tramente ccà vicino Sienteme n’appoco scinne ‘a coppo a stù penziero, t’aggia fa’ capì ca nun è overo Servono ‘e parole ci’amma dicere ogni cosa, nun s’accongia niente all’improvviso Nè cù ‘nu surriso, nè facenno ammore... primma o dopp’ ‘o bene se ne more Te capisco ‘bbona, nun è chello ca penzave... comm’a te pur’io so’ ‘nnammurato Ma simme cagnate, pecché ‘o tiempo cagna ‘e cose... pure sì se tratta ‘e tutt’’e dduje Damme ‘e mane toje ca io te dongo pure ‘e mie, miez’ ce mettimme stì buscìe Guardame int’’a l’uocchie, nun me metto cchiù paura... dimme ca st’ammore nun è sulo Pienzace dimane, suonnatelle stì parole... tanto pe’ capì sì esiste ancora Ma nun fa’ rummore, se cancella tutt’’o bene... nun putimme perdere stasera Pigliate ‘a ragione ca io me piglio chesta vita, nun me metto scuorno ‘e cercà scusa Che vò dì è fernuta, nun ‘o pienze, nun ce credo... dimme coccheccosa ‘e cchiù sincero jesce ‘a stù rancore ca te cagna ogni penziere, vide addò accummencia chistu bene Parlace ‘nu poco, ca pur’isso stà ‘ncazzato... forse ve putite da’ ‘na mano E c’’o core ‘nfuso, stò aspettanno tu che dice... che fatica p’essere felice.