Dialettali 12 febbraio 2019 · lettura 1 min · 677 letture

+ Segui

Malincunia ca me chiamme sott’a stù cielo ‘e vierno... staje là ca m’aspiette, nun voglio venì M’he fatto sempe paura, t’’o dico senza scuorno... sì ‘e vote te sentevo, me levavo ‘a tuorno E accussì, senza fa’ rummore, me ne jevo dint’a ‘na buscìa... ma tu te n’accurgive e io sempe te vedevo Te mettive annanz’ ‘e piede, ma no pe’ cattiveria... facive ‘a parta toja e po’ t’alluntanave Malincunia stammatina sì turnata a te fa’ viva, t’aggio ‘ntisa ‘e cammenà int’ ‘o core mio... ma stavota te vogl’essere sincero Te dongo ogni penziero, nun lasso niente areto... cu’ l’uocchie guardo ‘o cielo, cu’ ‘e mane scrivo ancora Mò simme una cosa, putimme stà quiete... ’o bene nun scumpare, pe’ sempe m’appartene E mentre te ne vaje, m’astregno a chesta vita... tu forse turnarraje, chisà quant’ata vote Malincunia ’nu poco ‘e te int’ ‘o sguardo ‘e coccheduno, ’e vote annascunnuta ‘a ‘na resata... ma passe comme passano ‘e jurnate.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.