Dialettali 28 novembre 2018 · lettura 1 min · 590 letture

+ Segui

Ancora aggia capì sì tu sì overa, attuorno a me ‘na nuvola ‘e mistero... te parlo, t’accarezzo, nun ce credo, sì è suonno chi c’’o dice a stì penziere E resto ancora fermo, a nun fa’ niente semplicemente aspetto ‘e capì buono... sì fusse fatte ‘e carne me vasasse o almeno me parlasse ‘e chist’ammore Coccosa m’ha scetato ‘a dint’ ‘o suonno, me l’ero immaginato, già ‘o sapevo... peccato ca stà vita nun s’addorme, putesse avè pur’je ‘nu poco ‘e bene Ma chesto nun vo’ dì ca nun è overo, ’e suonne songhe ‘e chi ce crede ancora... ce portano addò nuje nun simme state, c’aiutano a capì chistu criato Nun c’amma maje scurdà ca simme vive... e n’ommo ca nun sonna è triste e sulo, ma quali coincidenze, qua’ destino... ’a vita nosta ‘a decidimme nuje Cu’ tanta e tanta suonne ca so’ asciute... ’e vote ‘a dint’ ‘a notte, ‘e vote annure, vestute sulamente ‘a stì penziere... ca ‘e vonno fa’ pare’ pe’ forza overe.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.