’e prete ‘e mare

Sola cammine n’coppa a ‘sta spiaggia pure essa sulagna chiena ‘e prete d’ogne forme e culore. ‘O mare è silenziuso, calmo, e, comme fà da sempe, sta aspettanno ‘o sole. Pe ’ntramente m’accarezz’ ‘e piere ca cu dulore camminene ‘ncoppa a ‘ste prete. Chiano, chiano, ‘a spiaggia s’è affullata Mo’ guardo ‘e criature ‘ncantata ‘E cchiù piccerille cu ’e piere d’angiulille s’avviano felice verso ‘o mare comme si ‘e prete fossero tappete. ‘E cchiù grussicielle ogne tanto chiammano aiuto pecché so’ jute ‘ncoppa a una appuntuta Cchiù forte pur’ je sento ‘o dulore|. ‘A ragione me dice: te scuorde ca puorte ‘ncuollo ‘o peso ‘d’ ‘e prete ‘e tutta ‘na vita? Allora, m’abbraccio cu ‘o mare isso me fa addeventà liggera e pure pe’ me chelle pprete, ca d’’e vive e d’’e muorte canosceno ‘e storie addeventano tappete.