Dialettali 26 luglio 2010 · lettura 1 min · 4004 letture

S + Segui

Cu dda crinera o ventu e nna muri bardatu a festa cu tanti culuri chinu di pinnacchi e ciancianeddi cu suttapanza e paraneddi U carrettu tuttu disignatu cunta a storia du so passatu parra di Medoro e l'Orlandu Furiusu i mungibeddu chi sputa focu di ddu pirtusu. Nta lu munnu sugnu ambascituri di ciauri e sapuri chi ni fannu onuri sta terra cosi cruda e duci comu nu criaturi porta a so cruci Si cunta chi e na lacrima i DIU chi ddopu ca criau si pintiu a vitti cosi bedda chi mali si sintiu. Lu suli spunta sempri di livanti ni duna a forza i nnari avanti frisca e canta lu carritteri è nni fa banneri di so pinzeri.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Sebastiano Magazzù