Viento d'ammore

siente commo soscia 'o viento, sta aspettanno sulo 'a te... te vo scuncecà 'e capille, te vo fa pare' cchiu bella. 'o viento è chist'ammore, ca tu nun cunusce ancora, si rimasta sempe sola, nun 'o saie commo fa bene. siente commo è calmo 'o viento, sta penzanno 'a te sultanto... te vo di' parole overe, se vo fa senti' int 'e vene. 'o viento è st'aria nova, è 'o principio 'e chist'ammore, te fa vivere 'nu suonno, nasce e cresce tutt'e juorne. siente commo è forte 'o viento, ma nun chiurere 'e feneste... statte miez 'a sta tempesta, nun sprecà chesti carezze. 'o viento è 'o bene mio, è l'ammore ca te rongo, lascia sta, nun dirme niente, chiure l'uocchie sulamente. statte ccà, miez 'a stu viento,'a dduie passe d''a l'ammore, tutt'o riesto nun è niente, pienze sulo 'a vule' bene.