Dda

A trasi e a nesci comu a unu ranni non pinsari a dda cosa nte mutandi A trasi sciutta e a nesci bagnata picchi non è sudata. Po' essiri cutta e po' essiri longa di quannu scura finu a quannu jjorna. Du palatu e a riggina c'è cu llavi rossa e c'è cu llavi fina senti tutti i sapuri du salatu o dissapitu du duci e di l'amaru e quannu allicca si ricria du ggilatu a li frutti fa scialari a tutti . Non avi ossa ma rumpi l'ossa e si vvoli ti potta a fossa pari nu sirpenti nta dda tana e na gran figghia di buttana. C'è cu a usa cu ntilliggenza e fa onuri a so prisenza è c'è cu para i sacchi a dritta vacanti d'aria fritta. Cu llavi dotta ni cunsola. Cu llavi ngnuranti mi si leva davanti chi chiddu chi dici non sapi di nenti.