Dialettali 7 maggio 2011 · lettura 2 min · 3716 letture

S + Segui

U sceccu I Peppi lumarru nta nchianata I Cabbarusu nchiana stancu sudatu e bavusu comu si travagghiassi cu sciamarru. Ma c'è nu pinzeri cu cunsola chi a mità i strada vicinu a scola c'è a putia da za vanna unni l'acqua frisca nesci da canna. D'arreti a mbiviratura iavi a stadda e trova sempri na scecca cu vadda ma povirazzu nun po fari nenti pi risposta ci mmustra i denti. Mpaiatu nta ddu cazzu di carrettu iddu nun ci pinsassi ddu voti usari dda stadda comu fussi na camira i lettu nesci a durlindana chista è a me doti. A scecca cumincia a ragghiari cu so cantu u voli ammaliari vidennu tuttu ddu beni i Diu fammi canusciri a to patri e puru a to ziu. Nto frattempu lu carritteri si duna da fari ca za vanna facennu tuttu u so ddoveri sparannu i cattocci c'avi ncanna. Nesci currennu scattiannu a zzotta comu si fussi l'ultima botta picchi quannu si fa l'amuri e na lotta e quannu finisci a frutta e tutta cotta. U porcu pensa a gghianna u sceccu a stadda da zza vanna pi non pinsari la fatica si nzonna a scecca e a so... Si sbigghia cu l'ultima ragghiata cumincia nautra vota la nchianata dopu ddu sonnu a strada ci pari na chianura e a so facci di na risata si culura. Chista e a storia di du nu sceccu chi quannu ragghia non voli sulu a pagghia.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Sebastiano Magazzù