Cagnammo 'o munno

ma che te cride ca chesta è 'a vita... chella ca tiene annanzo? putisse avè tant'ati cose, nun saje quante... e comme può cagnà sta vita si t'arrienne... 'a strada è longa pe cercà 'nu juorno bello! nun vire 'a quanto tiempo sta chiuvenno? ce sta sciulianno 'o munno 'a miez 'e mane... e pare ca nun ce fa niente, tanto po' vene dimane... ma dimane già è venuto... e tene 'a faccia 'e sempe, che t'aspettave, ca cagnava 'o viento? addò stanne 'e surrise, chiste nun songhe overe... s'annasconnano areto 'a parole ca nun so sincere... nuie amma cercà ati cose, e l'amma fa pe nuie, che ce lassamme 'a sti criature... nun ce pienze? restammo 'nzieme, accucchiammo 'e penziere, facimme coccosa, facimmela ampresso, primma che scenne 'a sera...