Dialettali 8 aprile 2012 · lettura 1 min · 1124 letture

+ Segui

Cammina alleramente, commo si fosse niente, ’o ssanno tutte quante ‘a fore ‘e isso è buono comme ‘o pane, nun perde maje ‘a pacienza, si ‘o chiamme scemo manco se lamenta ce n’hanno fatte tante, ma nun l’ha maje saputo, di solito è ‘nu poco ‘nzallanuto se fida ‘e tutte quante, cazzimma nun ne tene, e nun tradisce manco c’o penziero fa tutto p’’a famiglia, se desse pure fuoco, fatica fin’a tarde e parla poco vò bene assaje ‘a mugliera, a regne ‘e cumplimente, l’ammore cierti vote è ‘nu fetente qualsiasi situazione... ’a piglia c’’o surriso, ma si sapesse chesto, che dio ‘e rise... chi ‘o vede s’addeverte, ’o fatto ‘o sanno buono, ce danno ‘a mano e ‘o pigliano pe’ culo ’a capa nun lle pesa, nun se ne rende conto, ’o fanno fesso pure annanzo all’uocchie e vene n’atu juorno... "buongiorno cara moglie, ’o maretiello tuoio vò ‘nu vasillo" e ‘a moglie l’accuntenta, ’nu vaso e ‘na carezza, se l’è ‘mparata bona ‘a canzuncella...

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.