Dialettali 18 aprile 2012 · lettura 2 min · 975 letture

+ Segui

carmeniè,che d'è sta faccia, t'è succieso quaccheccosa? nun me fà sta co penziero, parla, dice tuttocosa t'hanno fatto 'na rapina? quaccheduno t'ha vattuto? nun me fà veni' 'na mossa, me faje mettere paura carmeniè,tu staje sudanno, e me dice tutt' appost? sò tonino, so n'amico, ma che faje, te miette scuorno? viene, trase dint'o bar, ce pigliammo quaccheccosa, 'nu cafè,'nu suco 'e frutta, arrepigliate 'nu poco 'na guagliona t'ha 'ncantato? carmeniè tu che me dice... tiene 'e figlie e si' spusato, fratu mio che me cumbine... io t'o dico p'esperienza, lieve 'a miezo tuttocosa, primma o doppo te ne piente, siente a me, nun fà strunzate nun è commo sto penzanno? carmeniè,fammo 'o piacere... che te cride ca so scemo? chesta già t'ha 'nzallanuto e me ride pure 'nfaccia? ne' ma dimme ch'e passato, chesta a te t'ha scemunuto, già te truove miez'e guaie carmeniè,che staje dicenno, t'e 'nventato tuttocosa? 'a guagliona era 'nu suonno, te pareva proprio overo? ma staje 'mbriaco o staje pazzianno? stamme ccà ca so doje ore, nientemeno stò tremmanno, t'essa dà 'nu paccarone! miette mano 'o portafoglio, pava 'o cunto per lo meno, 'a dimane nun te parlo, vire a chi vuò fà asci' scemo

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.