Dialettali 26 aprile 2012 · lettura 2 min · 1162 letture

+ Segui

Te voglio raccuntà 'nu bellu suonno, è 'a stamatina ca ce sto penzanno... si tu sapisse comme me sentevo, mò te racconto tutto, siente bbuono... è accumminciato tutto 'e diece e meza, aggiu pigliato suonno all'improvviso... ma nun me songo accorto proprio 'e niente, io me credevo 'e sta scetato ancora stevo assettato cca,'ncopp 'o divano, 'o stesso posto addo' me so addurmuto, ancora era ferni' 'o telegiornale, nun me ricordo buono che diceva 'na vota ca fernette 'e senti' 'e guaie, accumminciaje 'o programma ca io me veco... 'o saje, chillo addo' venceno 'e miliune, ' o può senti' peffino a radiouno chillo era proprio 'o juorno d'a befana, chi vence piglia almeno duje miliune, io stevo zitto cu 'o biglietto mmano... preganno comme a sempe a quaccheduno e fuie accussi' ca verso 'a mezanotte, tutt'era quase pronto p'a strazione, io accumminciaje a suda' comme a 'nu furno... pareva ca sentevo quacchecosa asciette 'o primmo nummero e 'o tenevo... e fino a là nun era ancora niente, ma quando 'o conduttore continuaie... io stevo luongo luongo stiso 'nterra “maronna che bellezza, aggiu vinciuto”, currevo attuorno 'o tavolo felice... pò me chiavaje cu 'a capa dint 'o muro pa cuntentezza 'e chella bella sera e chella botta me scetaje d'o suonno... e so turnato ccà, cu 'e piede 'nterra, ma commo se po ave' 'nu poco 'e ciorta... che dice, mò m'o 'ccatto 'nu biglietto...?

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.