Pure chisto è ammore

Ce penzo e tremmo ancora, maronna, ma che shifo... addò so ghiute l’uommene ‘e ‘na vota! Aspiette, mo’ t’o dico... nun m’era maie succieso, sapisse c’hanno visto st’uocchie mie... Tu me cunusce bbuono, ’o saie comme songh’io, nun l’aggio maie capite certi cose... Sarrà ca so all’antica, chi sta dicenno niente... si vuò me può chiammà pure ‘gnurante... ’E tengo annanzo all’uocchie, ch’e mane dint ‘e mane... che scuorno a lle vedè accussi’ ‘a vicino... Passavo la pe’ caso, purtavo a spasso ‘o cane, è stato dint ‘a villa comunale Cercavo ‘na panchina pe’ m’assettà ‘nu poco, chi se penzava ‘e avè chella surpresa... ’O primmo suspirava, ma tu ‘e capit niente? chill’ato lle parlava ‘e sentimente Io accarezzavo ‘o cane, m’era ‘nventà coccosa, che brutta situazione chella sera Accuminciaiene ‘e vase, me n’era i’ sultanto... nun ce sta cchiu’ rispetto, che schifezza! E mentre me ne jevo... me ferma ‘na signora, me dice: "ma che fa‘,so’ ‘nnammurate!" M’ha fatto ‘na guardata, nun se levava ‘a nanze l’avetta cercà scusa, cose ‘e pazze... Stu fatto m’ha culpito, ce sto penzanno ancora, ma che vuleva ‘a me chella signora? Io credo ‘e avè ragione, sti cose nun se fanno, vulimmo avutà ‘o munno sotto e ‘ncopp? Verite che se sente, se so’ cagnate ‘e tiempe... mo’ ccà me danno tuorto tutte quante Me staie guardanno stuorto, tu pure me cundanne, aggiu pacienza, scusa, so’ ‘nu mostro! E allora t’o prumetto, ce faccio ‘nu penziero, nun dico cchiù ca chille fanno schifo... So’ gente comme a nuie, se vonno sulo bene, nun è mistero, è sulamente ammore.