Chello ca voglio

vulesso tanto ca stu suonno mio cagnasse, ca addiventasse quacche cosa 'e chiu' importante... è troppo brutto quanno 'o juorno m'o cancella, te fa senti' commo si avisse perzo tutto io che te cride, mica sonno sulamente, ma te penzasse ca ce vonno duje siconde? p'avè coccosa 'e accussi' bello ce vo' tiempo, e nun è detto ca ll'ottiene overamente accumminciammo primma 'e tutto cu 'a pacienza, si nun 'a tiene te le fà veni' sultanto, 'a truvà 'o bene nun è mica 'na pazziella... ma vale 'a pena 'e ce pruvà juorno pe' juorno 'e vote 'a vita me regala 'nu surriso, ma chillu suonno ca io me faccio è n'ata cosa... nun me so' maie sentuto libero e felice, eppure 'a strada me pareva chella bbona... se vede ca pe' mò nun è destino... e forse nun conviene 'a furzà 'a mano, m'avessà stà 'nu poco 'ngrazia 'e dio invece 'e fà sultanto capa e muro e cuntancelle tu a stu core mio, ma comme faccio a llo fa sta tranquillo... e nun 'o saccio da' nemmeno tuorto, si fosse 'o posto suoio facesso 'o stesso... sarrà ca songhe l'anne mie chiù belle, ma nun me firo 'e stà senza fà niente... 'e chesta vita voglio sapè tutto, e si me faccio male nun me 'mporta addà veni' chillu mumento mio... e forse po' sarrà cchiù bello ancora, ma pe' tramente vaco addò vogl'io, senza senti' a nisciuno, sulo 'o core... e sento ca 'o segreto è proprio chisto, si pienze troppo te ne tuorne areto... io pe' furtuna vaco sempe annanzo, senza tene paura d'o mistero almeno pozzo di' ca l'aggio fatto, ce stà chi resta dint a quatte mura, ma 'e chesta vita po' che se ne fanno? nun s'accummencia mica n'ata vota? io stongo ancora ccà,cercanno 'e suonne, e coccheduno mo' me chiamma scemo, ma io chella sensazione nun m'a scordo... 'a sento 'ncuollo comme fosse overa.