Dialettali 7 settembre 2012 · lettura 2 min · 1316 letture

+ Segui

te si guardato 'o specchio? comme si bello... 'a morte si te vede, t'avota 'e spalle nè scè,ja, sto pazzianno, 'a bellezza mica è tutto... però putisse almeno fà 'nu sforzo... si' curto e pure chiatto, nun te faie manco 'a barba, te vieste commo 'e viecchie 'e settant'anne... po' chiagne e te lamiente: "nisciuna ca me penza"... ma 'e quanto fiete te ne riende conto? tu dimme 'na guagliona, ma pure 'a cchiù fetente... putesse maie fa 'na strunzata 'e chesta? stu guaie nisciuno 'o passa, ma tu addò t'appresiente... nun te si ancora accorto ca staie 'nterra? tenisse almeno 'e sorde, putisse avè 'na chance... tu staie 'nguaiato e nun fatiche manco e scetate 'a stu suonno, t'o dico tutt 'e juorne, 'e fatto sempe chesto 'a piccerillo... 'a quanno te cunesco? sarranno quindici'anne? possibile ca nun te miette scuorno? 'a sera, quanno ascimmo, è 'na figura 'e merda... me staie facenno perdere 'e cumpagne t'o dico mò e pe' sempe, nun voglio sapè niente, o t'arrepiglie oppure jette 'o sanghe mò miette 'a capa 'nterra? guagliò,tiene trent'anne... ma a casa toia nisciuno dice niente? te staie azzeccanno 'ncuollo, mò t'aggio ditto basta... 'a primma cosa vatte a fà 'na doccia! pò aroppo ne parlammo, mò pienze a te sultanto... nun te fà cchiù vedè cu chella panza

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.