E vene 'o dulore

e me trovo ancora ccà, miez 'o dulore... l'aggio 'ntiso tanta vote, ma nun t'abitue maje torna bell'e buon', quanno meno te l'aspiette, è inutile ca fuje... primma o poi t'acchiappa e nisciuno se salva, ricche, povere e pezziente, 'o dulore è 'e tutte quante pure 'o core cchiù friddo se rassegna, nun ce stanno scuse... 'o siente 'e trasi' arinto... si si' forte scenne chianu chiano, si è 'a primma vota te fà cchiù male, fà parte 'e sta vita,è 'na cosa normale ce stà chi chiagne po' jettà fore, chi invece aspetta ca jesce 'o sole, ognuno cerca 'na strada soja quanno te piglia te siente sulo, more 'o curaggio e se sceta 'a paura, nun vuò senti' ca ci'esiste dimane po' passa n'ata vota 'o bene, chell'ata faccia d'a vita... l'ammore,'a famiglia,'a mano 'e dio e t'aize lentamente, siente 'a voce 'e chi te stà vicino, sponta 'nu surriso... 'o peggio è passato, songh'io n'ata vota, ma so' cagnato.