Sperduto p'a via

sapite addò porta sta via? spiegateve buono, ve prego... 'o cielo s'è fatto già scuro, p'a strada nun passa nisciuno ve sento nun tanto convinto, me sa ca nun site d'a zona... ma mò comme faccio sul'io, chisà che m'aspetta stasera cammino pe n'ata mez'ora, me stongo futtenno 'e paura, vulesso capi' addo' me trovo, sta strada me pare infinita mo' m'aggia assettà duje minute, me sento 'e schiattà dint'e cosce, ormaje già me songo perduto, ma che vaco a fà sempe 'e pressa...? se stà avvicinanno 'nu cane, ce manca sultanto 'nu muorzo... guagliò,tutt apposto,'e mangiato? sapisse io che famme ca tengo... sarrà mezanotte, chi 'o sape, nun tengo nemmeno 'o rilorgio, ma in fondo 'a paura è passata, me stevo sbattenno pe' niente stu cane m'ha fatto cuntento, ce stammo parlanno int 'o scuro, è overo ca nun me risponne... ma sento ca già me vò bene furtuna ca ci'ammo 'ncuntrate, tu pienze si nun me perdevo... a casa nun tengo a nisciuno, ccà trovo a n'amico sincero.