L'ammore ca nun more

s'è susuto n'atu penziero, 'o tenevo dint'o core, 'na carezza l'ha scetato nun t'o saccio spiegà buono, nun so bravo cu 'e parole, mò t'o dico a modo mio... quanno tu me staje vicino, se cancella 'o munno sano, veco 'a luce miez 'o scuro tu 'e cagnato 'a vita mia, nun c'e miso proprio niente, sò passate ormaje vint'anne ma io t'o dico tutt 'e juorne, ogni vota ca te chiammo, si te penzo o si te sonno te sussurro doje parole, m'avvicino chianu chiano, po' 'nu vaso cu 'na scusa... e accussì facimme ammore, comme fanno 'e 'nnammurate, ce vulimme ancora bene era chello ca vulevo, t'arricuorde che dicive...? "voglio sempe 'o stesso ammore"! simme state proprio brave, nun l'avimmo maje lassate, l'ammo fatto stà 'o sicuro è n'ammore ca nun more, se fà viecchio ma nun cade, s'annasconna e po' accumpara.