Quanno scenne 'na lacrema

Sta lacrema ca tiene 'nfaccia dice chello ca tu nun dice... scenne lentamente, nun s'asciutta maje è 'na cosa ca me fà paura, senza vulè t'aggio fatto male, che m'ha pigliato, che succede... è 'a primma vota, ma chi 'o sape... a stu punto nun me fido, chi l'avesse maje creduto te vulevo fà sta bbona, te ricuorde... t'o giuraje... ...che busciardo songo stato... ...comme aggio pututo... sta lacrema cuntinua a scennere, ma nun cade ancora... se sta appujanno 'ncopp 'a vocca toja... ...ce vò n'appoco... e io tremmanno int 'e penziere... ...cerco parole... ...ma nun 'e trovo... saccio tu addò staje, ma nun saccio addò stongh'io... ...s'asciutta 'a faccia toja... ...se 'nfonna 'o core mio...