Dialettali 11 ottobre 2012 · lettura 2 min · 1105 letture

+ Segui

Se so' stutate 'e luce, io nun vedevo ll'ora... stu film 'o sto aspettanno 'a mise e mise n'hanno parlato tante, sarrà 'nu successone, 'o cinema è già chino 'a cchiù 'e mez'ora tu famme 'nu piacere, nun me parlà int 'e recchie, 'nu paro d'ore famme sta tranquillo 'o ssaccio, nun te piace, 'e fatto n'eccezione... ma mò nun me tenè sta faccia appesa tu stessa m'o diciste, se fanno 'e cumprumesse...! te l'arricuorde oppure sto sbaglianno? pirciò,mò ca accummencia, cirche 'e tenè pacienza, 'na vota tanto se po' fà 'nu sforzo oì 'lloco,'a primma scena, e già vide 'o rilorgio... nun ce riesce proprio a te sta ferma io 'ncuorpo sto schiattanno, però famme sta zitto, so' stato scemo a te purtà ccà dinto 'a gente s'addeverte, tu staje tutta sfastriata, ripiete ogni minuto "che strunzata"! te staje 'nu poco zitta? me faje capì coccosa? a chistu punto te ne stive a casa... è ancora 'o primmo tempo, figurate 'nu poco... ma chi ci'a fà a te suppurtà nat'ora aggiatece pacienza, signò,stamme chiarenno... mò ce mettimme allerte areto a tutto ma vide che figura, ce n'amma ì sultanto, se so' girate 'e scatto tutte quante ma allora tu me sfutte? me faje fesso e cuntento? sì 'o cumprumesso è chisto... tienatello! ascimmencenne fore, ormaje me so' scucciato, e chi s'a scorda cchiù chesta serata sì pe 'nu film è chesto, che faje pe ll'ati ccose... 'e maje penzato 'e te ne sta tu sola? mò è meglio a ce sta zitte, turnammencenne a casa... o me vulisse fà n'ata scenata? dimane ne parlamme, tu pienze a sta serata... 'nu cumprumesso ca nun s'è avverato.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.