Dialettali 17 ottobre 2012 · lettura 2 min · 1045 letture

+ Segui

'O juorno tene 'a faccia 'e chi me sfida, ma io songo pronto a piglià a pugne 'o male... 'a forza m'a daje tu cu 'nu surriso, putesse vuttà 'nterra tuttocosa me sento 'nu lione d'a matina, vicino a te nun me spaventa niente... 'nu vaso e già so pronto p'a fatica, te porto ogni mumento dint 'a mente e quanno sto 'ncazzato tutto passa, me basta a te cercà cu 'nu penziero... 'o stesso me succede si so' stanco, scumpare dint'a n'attimo 'o dulore sì nun ce pienze, 'o tiempo passa ampresso... e già s'è fatta ll'ora 'e turnà a casa... m'aspiette commo a sempe a braccia aperte, e daje 'nu senso pure a sta jurnata sì ce penzamme bbuono 'a vita è chesta, se fanno quase sempe 'e stessi ccose... ma chello ca tenimme a nuje ci'abbasta, nun ce vò tanto p'essere felice te guardo e 'o core vence n'ata sfida, t'aggio prumesso chesto tutt 'e juorne... nun me ne 'mporta niente 'e ll'ati ccose, 'o sfizio è chillo 'e te sapè cuntenta e tu me dice ca ce so' riuscito, nun saje quanto so' belle sti parole... me faje sentì comme sì stesse 'ncielo, 'a vita 'nzieme a te è 'nu paraviso e s'è scetato n'atu juorno ancora, te sì addurmuta 'ncopp 'o pietto mio... "sì nun me daje 'nu vaso nun me levo..." e io puntualmente nun t'o dongo maje ma già s'è fatta ll'ora d 'a fatica, e nun 'a vuò fernì cu chisti vase... te n'apprufitte sempe ca ma piace, comme vulesso sta n'appoco stiso... stasera accumminciamme 'a chistu vaso, chello che vene aropp nun t'o dico... te lasso p'affruntà n'ata jurnata, nun te scurdà ca staje int 'o core mio.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.