Dialettali 22 febbraio 2013 · lettura 2 min · 967 letture

+ Segui

Miette 'a capa ccà dinto, ...dimme che vide... nun avè paura, nun te succede niente te faccio sta 'o sicuro, 'o vide sulo 'a fore... almeno po' capisce comme stamme cumbinate affacciate n'appoco, è gruosso stu pertuso, ce stanno tanta cose ca se moveno int 'o scuro nun storcere stu naso, dimustrame rispetto, là dinto ce sta 'o core, ccà 'ncopp l'ate perzo è sempe 'a stessa storia, chi 'o 'ttene penza a isso, eppure dio ci' ha ditto ca nisciuno 'e nuje è diverso... tu invece cu sta faccia... me pare ca saje tutto, te maje truvato sulo senza manco 'na carezza? d'accordo, ccà se sbaglia, è tutto n'atu munno, ma cirche 'e capì meglio chesti cose comme vanno... che vuò, tu staje ccà 'ncopp, 'e cose so diverse, ma proprio nun ci'arrive ca ce sta 'na differenza? 'o fatto è ca io te sento, tu staje facenno finta... partimmo 'a chistu punto, po' forse jamme annanze... nun 'e capito niente, se vede 'a comme parle, 'o ttiene scritto 'nfaccia ca tu 'e me te miette scuorno io me ne scenno abbascio, addò ce sta chi sente... ccà ce giramme attuorno... ma 'o sapimme tutte quante... nuje stamme all'ata parte, vuje invece state 'ncopp... nisciuno s'è maje chiesto che se prova a sta ccà sotto.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.