Dimane ce spusamme

Ammore mio, te penzo e mentre 'o faccio sto tremmanno... dimane ammore eterno ce giuramme, nun veco l'ora 'e sta cu tte sultanto Ce cunuscimme quase 'a tridicianne, e chi se po' scurdà chillu mumento... me l'arricordo commo all'atu juorno... 'nu sguardo sulo e me trasiste 'adinto Mo' penzo a tutto chello ca è passato, a chelli cose ch'ammo fatto 'nzieme, e 'nu surriso nun me manca maje... pecché st'ammore è stato sempe allere! E io voglio ca 'a dimane è sempe 'o stesso, accumminciamme comme già sapimme, io dico ch'ave tuorto chella gente... se sposa ma po' aropp' se ne pente... Sarrà ca ci'o sunnammo 'a tantu tiempo, ma chisto è sulo 'o juorno 'e tutt'e dduje... pirciò te voglio di'...nun penzà a niente, 'a cosa cchiù importante simme nuje! Astipate 'o surriso tuojo cchiù bello, dammelle quanno po' me viene 'ncontro... stasera so' sicuro ca te sonno, dimane po' te dico si era 'o stesso... Me pozzo immaginà comme te siente, io stesso nun capisco che succede... è n'emozione ca t'appiccia adint', nun se po' raccuntà cu ddoje parole Chiù passa 'o tiempo e chiù me sbatte 'o core, che voglia 'e te vedè vestuta 'a sposa... mò resta n'atu muorzo 'e sta juornata... dimane è chillu juorno ca sunnavo!