Quanno vuò tu

Ogni vota è 'a stessa storia, ce songo abituato... primma m'abbracce e po' t'alluntane P'avè 'nu vaso che c'è vuluto, nun saccio manco sì è stato overo... forse era suonno, forse 'e penziere... Ma che ce tiene, chisà che sfizio pruove... e io ccà c'aspetto ancora ...sarrà 'o destino... Ma qua destino, famme 'o piacere... nun me piglià pe' scemo... Già faccio capa e muro, nun dicere strunzate... me faje 'ncazzà ddoje vote Decido sultant'io, e chi 'o dice ca è pe' sempe... nisciuno me cumanna! E' inutile che faje... stavota nun me 'ncante, vedimme chi è 'o cchiù forte... Ma tu me faje stà zitto... cu 'a mano 'nnanz 'a vocca... me sa ca me faje fesso... E sarrà sempe chesto, nun è destino, è peggio... songh'io ca ancora tremmo.