Tiempo ca nun basta
Andrea Sbarra
131 poesie pubblicate
+ Segui
'O bene ca me dive,
'a pace ca ce steva...
parole sempe overe,
'a vita ca vulevo
'Nu sguardo int' 'o passato,
addò è rimasto 'o core...
pe' te sentì n'appoco,
cu tutto ca fa male
E vaco cchiù luntano,
luntano 'a stì penziere...
ma torno sempe areto,
nun ce riesco ancora
'E tiempo n'aggio avuto,
ma nun è maje bastato...
tu forse m'he scurdato,
t'he fatto n'ata vita
Ce provo tanta vote,
nun ci'aggio rinunciato...
me sforzo 'e guardà fore,
ma tutto è accussì eguale...
Sarrà ca t'amo ancora,
ca staje dint' a stù core,
sarrà tutto st'ammore...
difficile ca more.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Andrea Sbarra
Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.
Commenti (1)
Accedi per lasciare un commento.Accedi
Rosita Bottigliero3 febbraio 2014
L'amore che resta sospeso e amato difficile che va via... Ben stilata e di contenuto reale... il cuore non dimentica... non può dimenticare ... bella assaje