’A casa ‘e tutte quante

Pate, figlio e spiritu ssanto, ’a preghiera ‘e sempe... chi addenucchiato e chi allerta, chi distratto... Stamme cca dinto cu ‘a speranza ‘mpietto, pe’ devozione o pe cuscienza ’O buono,’o malamente... nun fa differenza, ’o ricco e ‘o puveriello ...Quanta gente... ...ogge è festa... ce stà pure zì Vecienzo... ’o vire sulo a Pasca Parimme frate, ce damme ‘a mano... viecchie e guagliune, simme una cosa Che prucessione fino all’altare, stanno cantanno ‘e criature d’’a chiesa... Sotto a sta croce quanta peccate, ce cunfessamme e mangiamme stu pane E Dio ce vede, ce vò cchiù bene... jesse truvanno nu munno sincero... Isso perdona, senza rancore... che sofferenze ha pagato pe nuje N’ata preghiera primma ‘e ascì fore... addò se perde pe’ niente l’ammore Messa fernuta, segno da’ croce... jatevenne ‘npace.