Dialettali 22 aprile 2014 · lettura 2 min · 1072 letture

+ Segui

Ma che te fire 'e fa', t'o giuro, parl'io sulo... 'a sera cu Maria me faccio 'e croce... E' cchiù 'e 'na barzelletta, putisse fa 'nu film... dimmello n'ata vota, ca è 'nu spasso L'invidia nun te coglie, te fa sentì cchiù forte... saje comme sta schiattanno chella gente... 'E primme so' 'e pariente, t'o fanno zittu zitte... ognuno 'e loro è 'a voce d''a sapienza Tu faje a vedè ca 'e siente, ma po' t'e lieve 'a 'nanze... t'e puorte fore 'a porta cu eleganza Po' viene e m'o raccunte, io rido a crepapelle... vulesse avè pur'io chesta custanza S'è fatto miezejuorno, maritete te chiamma... ched'è ca bello e buono staje alluccanno? 'A sora vene a pranzo, pripare 'o sale duppio... tu a chella l'he tenuta sempe 'nganna 'Na cosa 'e pressa 'e pressa, nun ne sapive niente... maritete pe' me l'ha fatto apposta T'ha miso annanz 'o fatto, mò comme 'a miette a nomme... fra poco 'e truove tutte quante 'ncopp Ma addò te ne staje jenno...? nun ira accattà niente? che 'a fa' cu chesti birre e sti taralle? Tu sì 'na figlia 'e 'ndrocchia, ma overo staje facenno? 'e faje restà riune e muorte e famme? Pe' me succede a guerra, maritete... chi 'o sente... ma forse nun s'ha fatto buono 'e cunte... Figurate 'e pariente... cu chelli facce 'e cazze... 'a sora se farrà afferrà pe' pazza Dimane passa 'e quatte, ca trase meno gente... sinnò me faje fa' 'a folla annanz 'o banco Me 'a raccuntà stu pranzo... ...cu 'e birre e cu 'e taralle... io 'a scena già ma stongo immaginanno...

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.