Fia istadu poete

Fia istadu poete pro un'istante de fagher' un'ottada solamente lughida che i su sole, prus lughente de un'anima culpida a fogu amante. Sos astros ch' aia giuttu a s' oriente dae sas tanadas oras de levante sa luna dae sa notte risplendente a versos lugorosos che diamante. Pro istare umpare a s'estru mescamente ch' in d unu mare 'e bisos e chimeras, attesu dae perigulu 'e bufferas, mantenet sa tristura 'e su presente. Fia istadu poete, ma non so', aia iscrittu cosas de gabale pro dare lughe eterna, universale, a versos, ma mi frenat su pero' d' esser' in gradu 'e carchi basciu 'olu, puzone 'e pagu contu in buscu, solu