’E facce appese

Io quanno veco ‘e facce appese... c’aggia fa‘, me saglie ‘a freva... preferisco ‘a gente allera, nun supporto ‘e chiagnazzare Chille ‘o fanno pe’ mestiere... t’anna fa’ doje palle tante, ma chi ‘e pava ‘a fine ‘o mese... tutt’’e juorne m’’o domando E’ la loro professione... specialisti scassambrelle, lle può dì qualsiasi cosa... ma nun cagnarrà maje niente Chi te parla d’’o guverno, chi d’’a vita ca fa’ schifo, ce foss’uno c’ogni tanto t’abbuzzasse nu surriso E che sanghe d’’a miseria, nun se pava ‘na resata... ogni vota ca ve veco, mò me faccio ‘na rattata M’’o facite ascì d’’a vocca... site troppo lamentuse, chesta vita è accussì bella... ma pecché nun v’’a gudite? E accussì ve l’aggio ditto, me so’ fatto portavoce... ccà nisciuno ve supporta, parlo a nnomme d’’o rione Cu ‘a cuscienza stongo apposto, mò chiagnitavelle vuje... sì ve pigliano cu ‘a mazza, ate voglia ‘e cercà aiuto... Nemmen’io facesse niente, forse è meglio ca ‘o sapite... ’a luntano ve guardasse, senza movere ‘nu dito Io nun voglio c’abbuscate, me sapite, songo buono... ve sto danno nu cunsiglio, vuje facitene tesoro Mò trasitavenne dint‘... e rumpite meno ‘o cazzo, site già rimaste sule... tutta colpa ‘e chelli facce.