Dialettali 1 dicembre 2014 · lettura 2 min · 1108 letture

+ Segui

’A lingua nosta è bella e cara... ma è difficile a la parla‘, sì tu ccà nun ce sì nato... curre ‘o rischio da’ struppià Po’ ce chiammano cafune, songhe pronte a criticà... mentre nuje suffrimme sulo, nuje ca overo simme ‘e ccà Quante ‘e lloro pe’ fa’ ampresso... "simme ‘e Napule, paisà"! ma ‘o capisce tu sultanto... ca nun era ‘a verità E chi ‘e sente, giustamente... dimme tu c’adda penzà, nun ‘a sanno ‘a differenza... quala colpa lle può da’ Mò nun è ca so’ ‘gnurante... prevenute ‘e può chiammà, ma ‘o problema è ca so’ tante... chi ci’aiuta a le cagnà...? Nuje pecché nun ce sfurzamme... dammo ‘a colpa a stà città, ma po’ in fondo che facimme... ’a fernimmo da’ ‘nguaià E accussì ce vanno a nozze... cchiù nisciuno ‘e po’ fermà, ci’hanno ditto peste e corna... e nuje zitte a le guarda’ Ma che nierve, a chi aspettammo... ce vulimmo ribellà? difendimme ‘a lingua nosta... sulo nuje ‘o putimme fa’ Me rivolgo a tutte quante... continuate a la parla‘, nun facimme ca l’usamme ... sulamente pe’ pazzià Troppi giuvene mò ‘o fanno... pare ca nun songhe ‘e ccà, chesta è sulo colpa nosta... l’ammo fatte omologà ’O futuro ‘o veco niro... fra trent’anne che sarrà? stù dialetto è bello e more... serve sulo pe’ cantà Sì succede... che peccato... n’atu schiaffo a stà città, almen’io ci’aggio pruvato... nun me stanco do’ parla‘.

♥ 0 💬 3

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.