Dio chiamma

Trasite 'nponta 'e piede... se scetano 'e criature, v''o cerco pe' piacere... io mo' l'aggio addurmute Facite cchiù attenzione... ca 'o fatto è pure 'o vuosto, ma vuje 'o vedite 'o munno? sta jenno sotto 'e 'ncoppa Pe' me so' tutte eguale, nun faccio distinzioni... 'o buono,'o malamente, cunosco unu culore Ma mo' sto jenno 'nfunno... so' sciso 'ncopp 'a terra, me voglio fa 'nu giro... coccosa stà cagnanno 'O veco e me fa male... che vuoto ca stà attuorno, s'avessa fa d''o capo... ma fosse n'atu munno E vaco addò sacc'je, 'e strade abbandunate... ce metto 'a mana mia, cancello tutto 'o male Ma che malincunia... pregateme cchiù spisso, v''o giuro ca songh'io... credite sulo a chesto Sì rimanimme 'nzieme... stu munno nuje 'o salvammo, 'a forza v''a dongh'io... s'adda vulè sultanto Trasite int' a 'na chiesa, 'a primma ca 'ncuntrate... v'aspetto là ogni vota, nun ce venite maje... Io e vuje simm'una cosa, ve l'aggio ditto 'a sempe... pregate ad alta voce, nun v''o tenite arint' E sì ve manca 'a fede, faciteve domande... guardate cchiù luntano, addò ogni cosa parla... E areto a chelli cose... vedite, ce stongh'io, 'o Dio ca v'ha criato... a sumiglianza mia Nun m'aggio maje pentuto, ne vaco ancora fiero... 'o prezzo è stato caro, ma n'è valuta 'a pena Venite a casa mia, v'accoglio a tutte quante... vuje site 'e figlie mie, pirciò ve stò chiammanno.