Dialettali 28 agosto 2015 · lettura 1 min · 1370 letture

+ Segui

Como cagliade, est mortu unu poeta, e sa natura minimat s’alenu, su tempus perdet su coro serenu e mustrat s’aera murina e inchieta. Cagliade como, mancat una ‘oghe chi fit a sos puzones simizante cando s’alzat su sole in su levante e dat s'ischida a su chi b’at inoghe. Est mortu unu poeta rimadore ch’at imparadu rimas iscurtende sos fruscios de su buscu s'est cantende cun sa malinconia muttos d’amore. Istemus a sa muda unu mamentu, e faghimos devota preghiera, no s'intendet orminu in sa carrera, finidos sunt sos giogos de su 'entu. Su poeta non cantat prus s'armentu, s'arveschida e sos brios de su beranu, su sole chi dat bida a su manzanu, sa luna e su notturnu firmamentu. Chie prus podet ninnare sa lamenta de su dolore umanu isconfinadu, chie podet serenare gosu amadu cun s'estru ch'in su coro l'alimenta( t)? Si faghet logu a fortza sa tristura che in campu solitariu sorighina, e punghet, dolorosa, cun s'ispina sa manu carignosa. Aih disaura!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Gesuino Curreli

Sono nato in Sardegna e ci vivo, nella Barbagia, cuore antico dell'interno dell'isola, dove ci sono i monti....