Est un'atera cosa

Est un'atera cosa, in cust’edade, s'istade ch'est bessinde a passu lentu, nos sonat sas fanfaras de su ‘entu luego attonzu cun amenidade. ma onz' annu b'at contu de pagare, una pena s' annanghet a sa pena, e a sa connotta lebia cantilena sighint succutos pro poder rimare. Non dant recreu sos sanos tepiores, sos alenos preparant sas iddias de s'ierru molestu, e maladias cambiana tonu a sos dulches umores. Istajones de nuscos e colores simizantes a seras d'allegria, a ispassos de s'amada giovania ricca d'ispantu e vergines amores. S'esser'istadu mastru 'e poesia aia cantadu cun filos d’ammentu recramos d’ermosura e de lamentu iscrittos supra sa pessone mia.