Sa pregadoria
Gesuino Curreli
1281 poesie pubblicate
+ Segui
Pesade manna sa pregadoria,
poetas, si cherides, in cust'ora,
pro sos chi lassant tottu e bessint fora
in chirca solu e bona cumpagnia.
Fuint dae gherra e mala carestia
in cherta 'e logu amigu pro campare,
a pustis sas tempestas de su mare,
su famine nieddu, e maladia.
Pesade a boghe isparta sa pregunta
de umana caridade a s'isventura
de chie at patidu tantu e de natura
sa malasorte at appidu in aggiunta.
Pesade pro chie at coro de iscurtare,
pro chie giughet in laras su faeddu,
e sentida manera ‘e perdonare
s’ingannu de s’offesa prus nieddu.
Una ‘oghe de coro, e penetrante
chi pieghet s’umana indifferentzia
a sas penas de chie no at residentzia
in logu ‘e paghe mancu pro un’istante.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Gesuino Curreli
Sono nato in Sardegna e ci vivo, nella Barbagia, cuore antico dell'interno dell'isola, dove ci sono i monti....
Commenti (0)
Accedi per lasciare un commento.Accedi
Ancora nessun commento. Scrivi il primo!