Beni, atonzu

Beni, atonzu, e torrami s’ ispera de un’istajone mite e colorida, comente bona ‘etza remunida cando s’abizat ch’est faghende sera. Dispensa fortza a s’anima impaurida, amante de serenos arrejonos, a pustis assolados abbandonos chi l’ant signada e finas indurida. Iscaldi s' orizonte cun colores, sos ch' impreas cun magicu talentu, purpurinos, s' in gula jughes bentu pro sulare sa trunfa a sos amores. De aranciu e d'oro istende a deghe e a chentu rias intr' 'e sas nues biaittas, pro preservare dae sas umbras frittas s'alenu chi m'as dadu, e su cuntentu. Mantene in coro s'aspru dolimentu, lena lena li canta un'anninnia, si det drommire a s'ora chi s' istria pienat de amargura coro e ammentu.