A sa luna

Sa luna custa sera est bella che una prella luminosa, paret virgine isposa che una foza elegante e prus lizera. Istella gai donosa no bi nd’at a passizu intro s’aera. Naschit atera ispera, e su cras no est iscuru testamentu. Pasat su pensamentu chi tantu fit molestu e dispettosu, como ridet diciosu su tempus inclemente ch’amos tentu. Luna, pasida e bona, rennova su carignu ch’ischis dare cando sunt in amare coro cun coro si no l’abbandonas. Tando torra a su giassu in mesu’e sas olias de su montiju cando fis che s’ispiju chi pigaiat sas lampanas a ispassu intro su firmamentu pasculende. E cust’anima inchende cun toccos palpitantes de cuss’ora, bella, sola signora, che tando a tie m’invoco tremulende .