Dialettali 10 gennaio 2016 · lettura 1 min · 1466 letture

+ Segui

A bortas mi dimando ite gabale mi torrant a sa mente istravagante custas rimas chircadas cun costante impignu, da chi serro su portale. Ca no isetto nisciunu: mescamente su sero, cando intendo soledade, e cun malinconia torro a s’edade antiga consumida dulchemente. E giogo cun fiamas prus ardentes de amores tempestosos, e buferas de palpitos, sentidos e chimeras chi m’ant nutridu in oras innotzentes. E un’ innotzente contu torrat solu in bucca ‘e sa fumosa ziminera, si solet, malinconica, sa sera daremi un’agasazu, unu consolu. Che Venere cullada dae sas undas bessit vergine e bella dae su mare, gai mi torrant a pizu tottu impare, dae sas umbras lontanas e profundas, ammentos chi dia cherrer mentovare. E tando pro frimmare ‘onzi mamentu, sas oras de amorosa imbriaghera, imbento sa poesia cun sa manera onesta de chie prestat giuramentu. E galu m’innamoro, e so cuntentu de poder rennovare, presumidu, s’idea chi sia poete riveridu, ma lasso custas rimas a su ‘entu.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Gesuino Curreli

Sono nato in Sardegna e ci vivo, nella Barbagia, cuore antico dell'interno dell'isola, dove ci sono i monti....