Dialettali 24 novembre 2016 · lettura 2 min · 1035 letture

+ Segui

Che voglia ca m’è venuta, nun saje c’aggio penzato... nuje sule,’na jurnata, ’na bella cammenata Parlanno ‘e tanta cose, d’’a vita c’ammo avuto... d’’e suonne, d’’e paure, insomma,’e tutt’’e duje Nun c’ere maje penzato, tu sì ‘na cara amica... che scemo ca so’ stato, stì cose a chi c’’e dico? Sì bella, chest’è overo, ma tu sì ricca arint‘... saje essere sincera, d’’a gente che me ‘mporta... Onestamente,’o saje... ’nu poco è colpa mia, sentevo ‘a voce ‘e ll’ate... ma quanta fessarie... Nuje simme ‘e meglie amici, ate capito buono, sì vuje nun ‘o credite... sfurzateve ‘n’appoco L’ammore è bello assaje, ma l’amicizia resta... pe’ me sì chiù ‘e na sora, te voglio bene e basta E int’’a stà cammenata me so’ schiarito ‘a mente... parlà cu te m’aiuta, me faje capì ogni sbaglio Pe’ te ce stongo sempe, è inutile c’’o dico... se vede int’ ‘o bisogno si sì ‘nu vero amico Me sento furtunato... tu sì ‘na cosa rara, io primma nun capevo... sì l’amicizia overa.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.