Dialettali 25 novembre 2016 · lettura 1 min · 1008 letture

+ Segui

Erano tant’anne ca nun passavo pe’ stì viche... io ccà ce so’ nato, chisà ch’è cagnato Cammino ‘a duje minute, nisciuno m’ha fermato... so’ tutte facce nove, ma che malincunia Ccà steva ‘o salumiere, mammà faceva ‘a spesa... ’o tengo a mente comme fosse ajere Domando a quaccheduno, sapisseve coccosa? ’o proprietario è muorto già ‘a ‘na vita E appriesso... niente ancora... nemmeno ‘o fruttaiuolo, me salutava sempe, ogni matina Ce so’ rimasto male, me l’ere immaginato... ma quanno ‘o vide è tutta ‘n’ata cosa Te fa’ ‘n’effetto strano, ricuorde ‘e juorne antiche... però nun truove niente ‘e chella vita... E vaco annanz’ e areto, me pare ‘n’ata strada... invece è sulo ‘o tiempo ca è passato.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.