Dialettali 12 marzo 2018 · lettura 1 min · 678 letture

+ Segui

’A strada mia qual’è... so’ quarant’anne ca ‘a cerco e nun ‘a trovo, t’’o sto cuntanno a te... passione ca nun more Te l’aggia raccuntà e m’aggia fa’ cchiù male, scavanno fino a ‘nfunno... addò te manca l’aria E annanz’ a me ‘a paura... nun l’ero maje affruntata, sentevo sulo addore... restavo cchiù luntano Tu forse ‘o può capì, sì stata sempe arint‘... ’a colpa è sulo ‘a mia, ca t’annasconno ‘a gente Sì sulo se putesse, turnasse cchiù guaglione... pe’ te purtà rispetto, pe’ trattà ‘a signora... Curaggio nun ne tengo, e chesto tu ‘o saje buono... so’ stato ‘nu vigliacco, nun merito perdono Te cerco pe’ sta’ meglio, ma quanno stongo sulo... po’ annanz’ a chistu munno, me sento cchiù insicuro T’avessa piglià ‘mbraccio, comm’’a ‘na ‘nnamurata... vasannete ogni juorno, facenno ‘e te ‘na sposa E forse sulo allora... truvasse chella via, ma nun so’ pronto ancora... cu’ tutto ca sì ‘a mia.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.