Dialettali 15 marzo 2018 · lettura 1 min · 679 letture

+ Segui

E’ ‘na vita ca t’aspetto, ma tu nun ne vuò sapè... forse ‘o faje pe’ ‘nu dispietto, nun t’’e fatto maje vedè Te cunosco grazie ‘e suonne, ma tu aiutame a capì... tutto chello ca se sonna, nasce sulo pe’ murì Parlo ‘e te tutt’e mumente, me domando comme sì... chiuro l’uocchie e spero sempe, sto cercanno ‘e te sentì Fatte astregnere ogni tanto, pure sulo pe’ pazzià... io t’’o giuro, nun m’arrenno, ma nun saccio addò cercà M’hanno ditto ‘e nun fa’ niente, ca t’’o vire stesso tu... forse è meglio a sta’ distante, nun t’avessa penzà cchiù Quanno meno me l’aspetto, primma o poi t’aggia ‘ncuntrà... e chisà comme si bell‘, quanta vase t’aggia da’ Ce vedimme dint’e suonne, ma tu vieneme a piglià... voglio sta’ cu te sultanto, sulo tu me può scetà.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Andrea Sbarra

Scrivere è una passione che accompagna da tempo la mia vita. Credo sia la scorciatoia più breve per poter raggiungere i sogni e le speranze che spesso sembrano così lontani.